الصدق:
الصدق مش مجرد كلمة
الصدق أسلوب حياة
ونور في القلب بيخلي الإنسان ما يخافش من الحقيقة.
الصدق بيخليك تواجه نفسك قبل ما تواجه الناس
وبيخليك تنام مرتاح
لأنك ما لبستش وشوش
ولا قلت كلام غير اللي جواك.
الصدق مش دايمًا سهل، خصوصا في زمن الكذب فيه بقى طبيعي ومتاح
بس اللي يختار يكون صادق، بيختار يعيش نضيف ومطمن.
الصدق بيبدأ من جواك
لما تكون صادق مع نفسك قبل ما تكون صادق مع الناس
لما تعترف بغلطك، لما تبررش ولا تكدّب
ولما تقول الحقيقة متلبس وشوش تانية عشان الناس ترضى عنك.
الناس دايمًا بتفتكر إن الكذب أسهل طريقة للنجاح
بس الحقيقة إن الكذب هو الطريق الأطول،
لأنه بيخلّيك دايمًا محتاج تفتكر الكذبة اللي قلتها،
وتعيش في قلق من إنك تتكشف.
لكن الصادق، حتى لو خسر لحظة
بيريحك طول العمر.
الإنسان الصادق دايمًا واضح،
ما بيخافش من المواجهة
وبيتكلم من قلبه، عشان كده كلامه يدخل القلوب على طول.
تلاقي الناس تثق فيه، وتحب تتعامل معاه،
لأنهم عارفين إن كلمته سيف علي رقبته، ووعده وعد.
والصدق مش معناه إنك تجرّح الناس بالحقيقة،
لكن إنك تقولها بحكمة واحترام،
الصدق مش وقاحة،
الصدق شجاعة وقلب نضيف.
اللي بيكدب يمكن ينجح مرة لكن هيخليك طول عمرك خايف من بكرا. لانك عارف من جواك ان كذبتك هتكشف لان كل كذبة وليها نهاية
عمر الكدب ما بيطول.
زي النار اللي تنور شوية وتطفي،
أما الصدق، النور اللي بيفضل منوّر حتى بعد ما تمشي.
والصدق كمان بيقرّبك من ربنا
لأن ربنا يحب الصادقين
واللي بيصدق في كلامه وأفعاله، ربنا يبارك له في رزقه وعمره وعرضة واهلة وبيتة
وفي النهاية.....
خليك صادق حتى لو الكل الكذب هيخليك في القمة.
وخليك واضح حتى لو الناس مش هتتقبلك،
لأن الصدق مش بيكسبك الناس،
الصدق بيكسبك نفسك.وبتخسر كل الناس...