Khidki ke pardon ko halke se dhakelti hui wo thandi hawa jab nidhi ke kamre mein dakhil hui,to apne saath gili mitti ki mahak aur kuchh bhuli bisri yaadein le aayi.
Us thandak ne jaise hi nidhi ke chehre ko chhuaa,use aisa laga jaise uske kaan me koi kuchh kah raha ho-"kya aaj bhi tumhe wo pal yaad hain "
Nidhi dheere se uthi aur apni khidki ke parde ko hataya.
Parda hatate hi usne dekha ki uske khidki ke samne wale mandir par kuchh bachhe khel rahe hain,to kuchh apne doston ke saath baithkar baatein kar rahe hain.
Ye nazara use un lamho ki yaad dilati hai jo lamhe kabhi nidhi ke liye khatte the,to kabhi meethe ban gaye,aur kabhi kuchh galat fahmiyon ki wajah se kadwe bhi ban gaye.
Wo shakhs jiska din na suraj ke nikalne se suru hota tha,na dhalne se khatam.
Uska har roz saye ki tarah pichha karna.
Nidhi jab bhi deewar par kuchh likha hua dekhti wo pal bhar ke liye kahi kho jati.
Deewar par likha wo shabd jise dekhkar nidhi ko kabhi gussa aata tha,
Aaj wahi shabd uska sukoon ban gaya hai.
●Aakhir kya likha tha us deewar par ?
●kya iske pichhe chhipi hai koi prem kahani?
●Aakhir kaun tha wo shakhs jise wo aaj bhi itna yaad karti hai?
●unki pahli mulakat kaise hui?