Yeh kahani hai Aarohi ki.
Ek normal si ladki, jo kisi film ki heroine nahi thi, na he kisi ameer ghar se aati thi. Uske pass na toh superpower thi, na koi fairy god mother. Lekin uske pass ek cheez zaroor thi - Sapne.
Bade sapne. Aur un sapnon ke sath judi thi ek choti si umeed, jo har baar girne ke baad use phir se khada hone ka reason deti thi.
Bachpan
Aarohi ka bachpan ek choti si colony mein beeta tha. do kamron ka ghar, ek choti si balcony aur balcony se dikhta hua ek bada sa neem ka ped.us ped ke neeche baith kar woh aksar apni notebook mein kuch na kuch likhti rehti thi, kabhi poems, kabhi short stories, aur kabhi sirf apne dil ki baatein.
Uske papa ek private office mein clerk the aur maa ghar sambhalti thi Paisa zyada nahi the, lekin pyaar ki Kami bhi nahi thi. fir bhi, society ke taane roz sunne ko milte the.
"Ladki hai, zyada padh likh ke kya karegi"? "shaadi he toh karni hai ek din". " isko itna open mat chhodo bigad jaayegi."
yeh sab baatein Aarohi ke kaanon tak bachpan se pahuch Rahi thi, shayad tab use poora matlab samjh nahi aaya tha, lekin itna zaroor samjh jaati thi ki ladki hona aasaan nahi hota.
School life