Aaj jo ladki 17 years ki hai vo apni 10 saal ke hone pe ek baat batati hai jo uske parents ne usse kahi thi..
Jab vo 10 saal ki thi tab se hi usse kapdo ke liye bola jane gaya ki salwaar suit pehno duppata lo. 10 saal ki age se hi usse chote chote baato per roka jane laga. Vo apni merji se ab bahar bhi nhi ja sakti thi koi dost ghar pe aaye toh jada der tak baatein bhi nhi ker sakti thi , vo ab apni baaton ko apne tak hi rakhti thi , na jada kissi se bolti se , na baat kerti thi bass chup chap sab sun leti thi. Ek din uske parents ne usse kaha ki beta tum hamare ghar ki Lakshmi ho ab sochne wali baat hai Ghar ki Lakshmi hai to use chhupa ke rakhna jaruri hai bus Navratri per izzat karna aur baki din kaam karwana , daatna, maarna.
Yah to purane jamane se chala aa raha hai ki ladki ho to ghar per raho, ladki ho to kaam karo ,ladki hai to ghar sambhalo.
Uske kuchh din bad uske parents ne kaha tum hamare ghar ki izzat ho tumhen hamari pasand ke ladke se hi shaadi karni hogi ,rishtedaron aur char logon ke aage hamari naak mat katwana. Ab sawal yah hai kya ladki ko kabhi apna ghar milta Hai jahan vo azadi se rahe koi bolane wala na ho, jo mann mein aaye vo karen . Shaadi se pahle kahate hain mayka uska asli ghar hota hai aur shaadi ke baad kahate hain sasural ka ghar uska ghar hai ,per sach to yah hai ki ladkiyon ka apna ghar nahin hota vo apni marji se saas bhi nahin le sakti.
Aaj ke samay mein bhi kai log aisa hi karte hain unhen apni beti se jyada apni izzat pyari hoti hai , char log kya bolenge ye maayne rakhta hai per jis beti ko unhone janm diya hai, kya uski khushi koi maayne nahin rakhti. Us ladki ko to ye bhi nahin pata hota hai ki uska pati uska saath dega ya fir vo bhi usse yahi sab kahega ki ,Ghar per raho ,khana banao ,kaam karne ki jarurat nahin Hai main kamata hoon yahi bahut hai. Pata nahin uske pati ke ghar wale bhi usse apni beti ki tarah rakhenge ya ek bahu maankar uske hi upar sari jimmedari saup denge.
Us din ke baad usne kabhi kisi se kuchh nahin bola jo kaam ussse karna tha vah usne sikha kyunki vah janti thi ki is duniya mein akele hi mehnat karna hoga kisi se kuchh bhi bolne ki koi jarurat nahin thi.
Isiliye usne shant rahna hi sahi samjha.
Per aaj ki ladkiyon ko apni pasand rakhne ka pura adhikar hai, apne mann se kisi bhi kaam ko karne ka , padhne ka bhi pura adhikar hai.