Ruhi's birth
Banaras
Ganga ghat pe snan kar roj ki tarah mandir me darshan karke suresh apni patni ridhima ke sath ghar jaa rahe the
Suresh ridhima se kehta hai maine divya ko tumhari dekh bhaal ke liye bula liya hai tumhara nauva (9th) mahina chal raha hai tumhe itna kaam nhi karna chahiye
Ridhima - achha kiya jo apne ridhima didi ko bula liya wo aayengi to mera man bhi lag jayega
Divya suresh ki behan hai jise wo apni wife ke dekhbhaal ke liye bulaya hai kyuki wo 9 months pregnant hai
Suresh - ha wo duphar tak aa jayegi
Phir dono baatein karte hue ghar aate hai aur ridhima khana banane lagti hai
Duphar 12.30 bje Divya aa jati hai ridhima use gale laga leti hai phir wo tino khana khaate hai aur baatein karne lagte hai
Divya hone wale bachhe ke liye dher saare khilone bhi lekar aayi thi
Divya ab ridhima ka poora khyal rakh rahi thi use time pe dawa dena khana khilana soup pilana aur saam ko use walk ke liye le jana
Wo use ghar ka koi kaam nhi karne deti thi
Agar ridhima khana khane ya soup pine se mana karti to wo kehti mujhe mere hone wale bhatiji ya bhatija gol matol chahiye isliye bhabhi aapko ye khana padega
Aise hi 1 hafte beet jate hai
Fir ek din achanak ridhima ko labor pain hota hai suresh bahar gya hua tha mausam bhi kharab tha toofan aur baarish ho rhi thi
Divya suresh ko phone karti hai suresh turant ghar aata hai par unhe hospital jaane ke liye koi auto ya taxi ni mil rahi thi to suresh baarish me hi apni cycle se paas ki ek daai ma ko lekar aata hai daai maa padosh ki aurato ke saath ghar pe hi ridhima ki delivery karwane lagti hai
Suresh bahar bahut pareshan tha use apni patni aur hone wale bacche ki chinta ho rahi thi
Tabhi bacche ke rone ki aawaj sunai deti hai suresh jaldi se kamre ke darwaje pe jaata hai to daai maa bachhe ko dete hue kehti hai badhai ho suresh ladki hui hai aur uski balaien leti hai
Apni bachhi ko dekhar suresh ke aankhon me khusi ke aansu aa jate hain
Phir bachhi ko lekar ridhima ke pass jata hai ridhima bhi apni beti ko dekhkar bahut khush hoti hai
Phir divya bachhi ko god me lekar khub laad karti hai
Agle din suresh ki maa bada bhai bhabhi aur unke bachhe bhi milne aa jate hain
Suresh ke bhai ke do ladke the isliye ghar ki pehli beti hone ke karan sabhi bachhi ko bahut pyar kar rahe the suresh ki maa bhi apni poti ko din me tin char baar tel se malish karti
Suresh ke bhai sailesh ke bacche sahil aur dev bhi bacchi ke saath khelte aur kabhi kabhi use god me lene ke liye ladne bhi lagte tab unki mummy aarti unhe daant ke bahar khelne bhej deti
Baari baari sabhi choti si gudiya ko god me lete aur khelate jab wo rone lagti to ridhima ko de aate
Aise hi hansi khusi bachhi ke naamkaran ka din bhi aa gya waise to sabhi use kisi na kisi naam se bulate par aaj uske liye ek special name select hone wala tha sabhi jaldi jaldi taiyariyon me lage the saam me suresh ne party bhi rakhi thi to naamkaran ke baad party ki bhi taiyari karni thi
Naamkaran vidhi suru hoti hai bacchi ka naam divya ko rakhna tha to sabhi divya ko naam rakhne ke liye ek se badhke ek naam de rahe the par divya koi bhi naam pasand nhi aa rha tha pandit ji ne raasi ke hisab se र letter diya tha sabhi sochne lagte tabhi divya bolti hai
Ruhi
Sab naam sunkar bahut khush hote hai ise hi final karte hai
Suresh aur ridhima ki gudiya ka naam rakha gya ruhi
Phir sab saam ki party ki taiyariyon me lag jaate hai
Sahil aur dev apni masti me lage hue the
Saam me party ki taiyari ho chuki thi sab ready hote hai aur guests bhi aane lagte hai
Sailesh stage pe mike pe bolte hai hello ladies and gentlemen aaj ki party hamare ek new and special family member ke welcome ke liye rakhi gyi hai
So welcome cute and little Ruhi
Aur ruhi ridhima ki god me thi aur suresh ridhima ka haath pakde dono hi party hall me enter karte hai
Unhe dekhkar sabhhi taaliya bajate hai and unka welcome karte hai
Phir sabhi ruhi se milte hai aur uske liye dher saare gifts aur aasirwaad dete hai
Phir sabhi gharwale milkar dance karte hai aur party enjoy karte hai
Agle din sailesh aarti sahil dev aur divya apne apne ghar ke liye jaane lagte hai ridhima unhe aur kuch din rukne ke liye kehti par bachhon ka paper bhi tha to jaldi vapas aane ka kehkar wo log chale jate hai
Sailesh bank manager the wo allahabad me rehte hai aur divya mirzapur me to wo aate jaate rehti hai
Suresh ki maa abhi ruk gyi thi ruhi ki dekhbhaal karne
Wo tino ruhi ka bahut khyal rakhte uske rone ki aawaz sunte hi use god me utha lete
Suresh roj ruhi ke liye kapde aur khilone laate rehta tha aur ghar pe wo pura time ruhi ke saath bitata
Ruhi ki muskurahat sabka dil jit leti aas padosh ke log bhi use khelate kabhi kabhi use apne ghar bhi lekar chale jaate aur ghanto uske saath khelte jab ridhima ruhi ko dhunde hue jaati tab wo use lekar ghar aati
Ridhima phir se 2 months pregnant thi to ruhi ki dadi ab wahi rehti thi
Ek din suresh kuch aisa sunta hai jise sunkar uske aankhon se aansu nikal aate hai aur wo niche baith jaata hai
Aisa kya sun liya hoga suresh ne jisse uske aankhon se aansu nikal aate hai
Dekhte hai next part me 🙏🙏