CHAPTER-1 pehli Nazar~
Delhi ki ek thandi si morning thi. December ka mahina chal raha tha aur hawa me ek ajeeb si freshness thi. College ka first day tha aur campus me students ki bheed lagi hui thi.
Aman apni bike park karke college gate ki taraf badh raha tha. Aman ek simple sa ladka tha – na zyada stylish, na zyada loud. Uski duniya bas uski books, uske dost aur uske dreams tak hi simit thi.
Jaise hi Aman campus me enter hua, uski nazar ek ladki par padi.
White kurti, blue jeans aur kaale khule baal. Wo library ke paas khadi apne phone me kuch dekh rahi thi.
Aman ne apne dost Rohan ko halka sa dhakka diya.
"Bhai… wo ladki dekhi?" Aman ne dheere se kaha.
Rohan hansa, "Bhai tu toh first day hi shuru ho gaya.!"
Lekin Aman ki nazar us ladki se hat hi nahi rahi thi.
Us ladki ka naam tha Aisha.
Aman ko nahi pata tha ki aaj jo ek choti si nazar mili hai… wahi uski zindagi ki sabse badi kahani banne wali hai.
CHAPTER- 2 Pehli Baat~
Kuch din tak Aman bas door se Aisha ko dekhta raha.
Kabhi canteen me, kabhi library me, kabhi corridor me.
Aisha hamesha apni friends ke saath hoti thi. Wo bahut cheerful thi. Hamesha haste rehna uski aadat thi.
Ek din library me Aman ek book dhoond raha tha. Tabhi kisi ne piche se kaha:
"Excuse me… ye book aap le rahe ho?"
Aman ne palat kar dekha.
Wo Aisha thi.
Aman thoda nervous ho gaya. "Haan…
matlab agar aapko chahiye toh aap le lo."
Aisha muskura di.
"Thanks. Waise main Aisha.!"
"Aman."
Bas… itni si baat thi. Lekin Aman ke liye ye moment kisi movie ke scene se kam nahi tha.
Us din ke baad Aman aur Aisha kabhi kabhi library me milne lage.
Choti choti baatein hone lagi.
"Tumhe kaunsi movies pasand hain?"
"Music sunte ho?"
"Future me kya banna chahte ho?"
Aman ko lagne laga tha ki shayad ye sirf friendship nahi hai.
Shayad… kuch aur hai...!
CHAPTER- 3 Dosti ya kuch aur.?
Ab Aman aur Aisha roz milne lage.
Canteen me chai, library me study aur kabhi kabhi campus me walk.
Ek din Aisha ne pucha:
"Aman… tum itne chup kyun rehte ho?"
Aman halka sa hansa.
"Main chup nahi rehta… bas zyada bolta nahi."
Aisha ne kaha, "Achha hai. Mujhe zyada bolne wale log pasand nahi.!"
Aman ne mazaak me kaha, "Toh matlab main perfect hoon?"
Aisha hans padi.
"Perfect toh koi nahi hota Aman."
Us moment me Aman bas uski smile dekh raha tha.
Uske dil me ek hi baat chal rahi thi:
"Shayad… main is ladki se pyaar karne laga hoon."
CHAPTER-4 Dil ki baat
Valentine's week chal raha tha...
To bee continue....😇