Gallery ki saari lights achanak jal uthi. Aarav aur Meera ki aankhen us parchhai par tik gayi jo dheere-dheere unki taraf badh rahi thi.
Pehle to bas ek andhera sa shape dikh raha tha, lekin jaise-jaise wo kareeb aaya, uska chehra roshni me nazar aane laga.
Wo ek bahut budha aadmi tha। Uske kapde purane the aur aankhen bilkul ajeeb tarah se chamak rahi thi.
Meera darr ke maare Aarav ke peeche chhup gayi.
"Tum… yahan kya kar rahe ho?" Aarav ne himmat karke poocha. Budha aadmi halki si hansi hasa.
"Bahut saalon baad koi is darwaze ke paar aaya hai…"
Aarav ko uski baat sun kar aur bhi ajeeb laga.
"Is jagah ka naam kya hai?" Aarav ne phir poocha।
Budhe aadmi ne dheere se gallery ki deewaron ki taraf ishara kiya.
"Yeh Shraapit Mahal hai… aur jo bhi yahan aata hai, wo aasani se wapas nahi ja pata."
Achanak gallery ke end se tez hawa chalne lagi। Deewaron par lagi tasveerein hilne lagi. Meera ne ghabra kar kaha,
"Yeh sab kya ho raha hai?"
Budhe aadmi ne seedha Aarav ki aankhon me dekha aur bola—
"Tum dono ne Andhere Ka Darwaza khol diya hai…
ab yeh mahal tumhe apna mehmaan bana chuka hai."
Jaise hi usne yeh kaha, gallery ki saari lights ek saath bujh gayi।
Poora mahal phir se gehre andhere me doob gaya.
Aur us andhere me… kisi ke tez kadmon ki awaaz unki taraf badhne lagi. Aarav ka dil zor-zor se dhadakne laga.
"Meera… bhaago!"
Dono turant gallery me daud pade…
lekin peeche se aane wali kadmon ki awaaz aur tez hoti ja rahi thi।
Kya wo us raaz se bach paayenge jo Andhere Ka Darwaza chhupa raha hai?
(To be continued…)
👉 Agar Chapter 7 chahiye to apne dosto ke sath share karo. Share kare