Chapter= 1
Story:Ek Anjaana Rishta..
"𝑵𝒂 𝒌𝒐𝒊 𝒗𝒂𝒂𝒅𝒂 𝒕𝒉𝒂, 𝒏𝒂 𝒌𝒐𝒊 𝒑𝒆𝒉𝒄𝒉𝒂𝒂𝒏… 𝒑𝒉𝒊𝒓 𝒃𝒉𝒊 𝒅𝒊𝒍 𝒋𝒖𝒅 𝒈𝒂𝒚𝒂 𝒆𝒌 𝒂𝒏𝒋𝒂𝒂𝒏𝒆 𝒓𝒊𝒔𝒉𝒕𝒆 𝒔𝒆." 💞
Mumbai Starlight Collage
Canteen ke samne college ke students kaafi crowded the. Lunch time tha, isliye poora area students se bhara hua tha. Kahin koi apne doston ke saath baith kar hasi-mazaak kar raha tha, to kahin koi apne phone se selfies le raha tha. Kuch students table par baith kar lunch kar rahe the, to kuch khade-khade hi chai aur samose ka maza le rahe the.
Canteen ke andar se garam chai, samose aur pakodon ki khushboo aa rahi thi. College ke canteen ka mahaul hamesha hi lively rehta tha. Har taraf students ki baatein, hasi aur masti ki awaazein sunai de rahi thi.
Lekin aaj us bheed ke beech ek jagah par sabka dhyan ek hi taraf laga hua tha. Wahan ek ladki ek ladke se zor-zor se jhagda kar rahi thi. Aas-paas khade students ne unke chaaron taraf circle bana liya tha. Kuch students curiosity se dekh rahe the, to kuch dheere-dheere aapas me baatein kar rahe the.
"Lagta hai phir kisi se panga ho gaya…"Kaun hai woh ladki?"
Aisi fusi-fusi baatein bhi sunai de rahi thi. Pura mahaul shor-sharabe aur curiosity se bhara hua tha.
Tabhi ek ladki tez kadam se wahan aayi. Usne bheed ko dekha to uske chehre par thoda sa gussa aa gaya. Woh bina rukhe seedha aage badhi aur sabko hatate hue zor se boli,
Pakhi: "Sab log yahan se chale jao! Tamasha dekhne ki zarurat nahi hai!"
Uski awaaz me itna confidence aur authority thi ki kai students turant wahan se hatne lage. Kuch students ne ek dusre ki taraf dekha aur phir dheere-dheere wahan se chale gaye.
Jo ladki wahan aayi thi uska naam Pakhi tha. Pakhi college ki topper thi. Woh shant, samajhdar aur responsible ladki thi. Teachers bhi uski bahut respect karte the aur students bhi usse pasand karte the.
Isliye jab Pakhi ne kuch kaha, to jyadatar students uski baat maan kar wahan se hat gaye.
Pakhi ne bheed ke beech us ladki ko dekha jo gusse me khadi thi. Woh ladki aur koi nahi balki Parul thi — Pakhi ki best friend.
Pakhi ne thoda hairan hokar kaha,
Pakhi: "Parul, kya kar rahi ho tum?"
Parul ka chehra gusse se laal ho raha tha. Uski aankhon me abhi bhi gussa saaf dikh raha tha. Usne gusse me us ladke ki taraf ishara karte hue kaha,
Parul: "Dekho na Pakhi, ye ladka Meera ko ched raha tha!"
Pakhi ne turant us ladke ki taraf dekha. Phir Parul ki taraf mudkar thodi serious awaaz me boli,
Pakhi: "Agar isne galat kiya hai to iska matlab ye nahi ki tum ise maar dogi!"
Parul abhi bhi gusse me thi. Usne bina soche turant jawab diya,
Parul: "Haan, agar aisa hua to maar dungi!"
Pakhi ne thoda sa sar hilaya, jaise usse Parul ki aadat achhi tarah pata ho. Parul ka nature hi aisa tha — woh jaldi gussa ho jati thi aur galat cheez bilkul tolerate nahi karti thi.
Tabhi Pakhi ki nazar us ladke par padi. Woh Vicky tha. Uska gaal laal ho chuka tha. Shayad Parul ne use thappad maara tha.
Vicky thoda awkward aur gusse me lag raha tha, lekin wahan khadi bheed aur situation ko dekh kar woh zyada kuch bol nahi raha tha.
Pakhi ne seedha usse kaha,
Pakhi: "Vicky, yahan se chale jao."
Vicky kuch bolna chahta tha. Woh Parul ko dekh raha tha jaise kuch explain karna chahta ho. Lekin Parul ne uski taraf bilkul dhyan nahi diya.
Pakhi ne fir thodi tez awaaz me kaha,
Pakhi: "Vicky, maine kaha na… yahan se jao!"
Pakhi ki serious tone dekhkar Vicky ne kuch nahi kaha. Usne bas ek baar Parul ki taraf dekha aur phir jaldi se wahan se chala gaya.
Pakhi ne gehri saans li, jaise woh situation ko control karne ki koshish kar rahi ho.
Phir usne Parul ki taraf dekh kar thoda naram tone me kaha,
Pakhi: "Baby, aisa nahi karte. Agar wahan kuch serious ho jata to tum kya karti?"
Parul ka gussa ab thoda kam ho gaya tha, lekin usne phir bhi thodi zid ke saath kaha,
Parul: "Hota to hota… mujhe koi fark nahi padta."
Pakhi uski baat sun kar halki si muskurayi. Usse pata tha Parul ka dil bahut saaf hai, bas uska gussa kabhi-kabhi problem ban jata hai.
Pakhi ne halki si muskaan ke saath Parul ka haath pakda aur use canteen ke andar le gayi. Dono ek table par ja kar baith gaye.
Canteen ke andar bhi kaafi bheed thi. Waiter idhar-udhar ghoom kar orders le rahe the. Students apni-apni baaton me busy the.
Tabhi piche se ek cheerful awaaz aayi,
Avni: "Hello girls!"
Dono ne mudkar dekha. Jo ladki khadi thi uska naam Avni tha. Woh Pakhi aur Parul ki close friend thi. Avni ka nature bahut cheerful aur funny tha. Woh hamesha mazaak karti rehti thi aur sabko hasa deti thi.
Parul ne use dekhte hi smile karte hue kaha,
Parul: "Hi Avni!"
Pakhi ne bas halka sa sar hilaya.
Avni unke paas baithte hue curious tone me puchne lagi,
Avni: "Kya hua Pakhi? Parul ne ab kya kar diya?"
Pakhi ne seedha jawab diya,
Pakhi: "Tum Parul se hi puch lo. Jo hua hai wahi batayegi."
Parul ne thoda sa muh banaya aur phir Avni ko poori baat bata di – kaise Vicky Meera ko tang kar raha tha aur kaise usne gusse me use thappad maar diya.
Ye sun kar Avni zor se hansne lagi.
Avni: "Achha… to aisa hua. Parul, agar tumhare bhai ko pata chal gaya to pata hai kya hoga?"
Parul ka chehra turant thoda serious ho gaya.
Parul: "Bhai ko kaun batayega?"
Avni ne mischievous smile ke saath kaha.
Avni: "Main hoon na… bata dungi Shivay bhai ko."
Parul ne aankhen dikha kar kaha,
Parul: "Agar tumne bataya na, to dekh lena!"
Avni ne mazaak me pucha,
Avni: "Achha? Kya karogi tum?"
Parul hans kar boli,
Parul: "Aarav bhai ko tumhari saari baatein bata dungi."
Ye sunte hi Avni turant serious ban gayi aur boli,
Avni: "Are meri pyari behen, main thodi na bataungi!"
Parul hans padi.
Parul: "Ok ji."
Tab Avni ne ishara Pakhi ki taraf kiya, jo chup-chap apna sar haath par rakh kar baithi thi.
Parul Pakhi ke paas thoda aur paas aayi aur soft voice me boli,
Parul: "Sorry Pakhi… maaf kar do. Ab main aisa kuch nahi karungi. Promise!"
Pakhi ne use thodi der tak dekha aur phir thoda serious hokar kaha,
Pakhi: "Agar phir kabhi aisa kiya na, to tumhare liye achha nahi hoga."
Parul ne turant sar hila diya.
Tabhi piche se ek ladka aaya.
Uska naam Arjun tha – Pakhi, Avni aur Parul ka college friend
Woh thoda sa haste hue bola,
Arjun: "Chalo guys, class start hone wali hai. Sab log aa rahe ho na?"
Parul turant khadi ho gayi.
Parul: "Haan, aa rahi hoon!"
Pakhi aur Avni bhi uth khadi hui. Teeno ne apni books uthayi aur Arjun ke saath class ki taraf badh gaye.
College ka shor-sharaba ab dheere-dheere kam ho raha tha, aur ek naya din apni kahani ke saath aage badh raha tha.
Kya Parul ka gussa aage koi badi problem khadi karega?
Pakhi kyun itni chup aur serious rehti hai? Kya uske dil me koi raaz chhupa hai.
✨ In sab sawalon ke jawab milenge next episode me...jahan kahani aur bhi interesting mod legi.