(Day 1 -Ek Nayi shuruaat)
Ek chhote se shahar mein rahata tha 16 saal ka Aarav. Shahar na to Mumbai jaisa tez tha ,na hi Varanasi jaisa purana, lekin shaant aur sukoin bhara tha. Aarav class 10 ka student tha. Uske sapne bade the. kabhi who sochta tha ki ek din woh bhi A.P.J Abdul Kalam ki tarah chhote Shahar se uth kar Desh ka Naam Roshan Karega.
Lekin reality kuch aur thi .Woh Aksar alarm snooze Karta, mobile jyada chalata aur padhai Ko" kal se "par chhod deta.
Half- yearly exam ka result aaya. Marks average the .Papa ne sirf itna kaha," Tum aur better kar sakte ho" Mummy ne pyar se muskurakar bola," Bus mehnat karna ".kisi ne daanta nahi, per Aarav ko andar se bura laga.
Raat ko woh chhat per baitha tha. Aasmaan mein taare chamak rahe the .Usne dhire se socha," Main change kaise karun" ?
Tabhi Dadaji aaye unhone kaha ,"kal Suraj ke sath uthn ,aur 30 din tak har din ek chhoti aadat sudharna."
"Sirf 30 din?" Aarav ne poocha.
"Life ek din mein nahin badalti ,per 30 din direction badal sakte hain ,"Dada Ji ne jawab Diya.
Day1 -Alarm ki Jung
Subah 5:00 baje alarm baja .Pahle usne snooze karne ka socha, par phir DadaJi ki baat yaad aayi. Woh uth gaya.
Bahar Suraj dheere -dheere nikal raha tha .Hawa thandi thi. Us moment mein use sukoon mehsoos hua. Usne notebook nikali aur likha:
30 days sunrise challenge
Day 1 Habit -Roz 5:00 baje uthna.
Extra time mila toh usne maths ka chapter revise Kiya .Pahle difficult laga ,per dheere-dheere focus ban gaya. Mummy ne dekha toh surprise hui .Unki aankhon mein garv tha.
Shaaam ko friends cricket ke liye bulane aaye .Normally woh 3 ghante khelta ,per aaj sirf 1 ghante khela. Time per ghar aa gaya .Pehli baar use laga ki who apni life ko control kar raha hai.
Raat ka Reflection
Raat ko usne notebook mein likha:
*5:00 baje utha.
*2 ghante padhai ki.
*Cricket limit mein khela .
*Phone kam use Kiya.
Niche likha:
Lesson: Discipline shuru mein mushkil lagta hai, per self -respect deta hai.
Notebook band karte waqt ek chhota paper gira .Usme likha tha:"Real change tab shuru hota hai jab tum apne dar ka reason samajhte ho".
Neeche aaj se 30 din baad ki date thi.
Aarav soch mein pad gaya. Yeh kisne likha?
Day 1 khatam hua .Lekin ab yeh sirf habit challenge nahi tha .Yeh ek journey thi khud Ko samajhne ki.
Evidence for Day 2
1. Secret note kisne likha?
2. Aarav ka asli dar kya hai?
3. 30 din baad ki date ka kya matlab hai?
4. Day 2 ki nayi habit kya hogi?