Raat ka waqt tha. Sheher ki sadkein baarish se bheehi hui thi, street lights ki peeli roshni pani ke chhoti chhoti banakar chamak rahi thi. Har cheez aam log rahi thi... Lekin us raat ek aisi kahani shuru hui Jo sirf pyaar ki nahin, junoon ki thi.
Aarohi ko andaza bhi nahin tha ki uska zindagi ka rukh badalne wala hai.
Woh ek simple si ladki Thi. College jaati, ghar aati, apni Maa ke saath chai pe baith kar baatein karti. Uska sapna Tha ek din apni khud ki art gallery kholna.. lekin un andheron mein ek roshni mein ek roshni ki lakeer bhi zaroor hoti thi.
Usse andhere se darr nahi lagta tha.
Us raat woh Apne best friend ki birthday party se lete nikal rahi thi. Baarish Tez ho chuki thi. Usne auto rokane ki koshish ki, lekin Koi nahi ruka tha. Tabhi ek Kaali gaadi uske saamne aakar dheere se ruk gayi.
Window neeche hui.
Andar se ek awaaz aayi," Lift chahiye?"
Arohi Ne pahle Mana karne ka socha. Par baarish, sunsan road aur uska bheegta hua phone... Sab milkar usse majboor kar raha the.
Usne dheere se poocha, " Aap kidhar Ja rahe ho?"
Driver seat par baitha aadmi bas halka sa muskuraya ." Jahan tumhe Jana hai."
Uski aankhon mein ajeeb si thandak thi. Koi gussa nahin. Koi jaldi nahin. Bas control.
Aarohi ne darwaza khola aur andar baith gayi,
Usse nahi pata tha ke jis gaadi mein woh baith hai, woh shahar ke sabse khatarnak Insan ki hai.
Us aadmi ka naam ta Rehan.
Log usey sirf naam se nahin jante the. Log usey ek saaye ki tarah jaante the. Business ke naam par chhupa hua Mafia Don. Sheher ka aadha illegal network uske control mein tha. Par woh khoon kharaba pasand nahi karta tha. Uska tareeka alag tha - dimaag se de ... toh usey chhodna bhi ek strategy thi.
Rahan ne rear-view mirror se Aaroji ko dekha.
Bheegi hui zulfein, aankhon mein thoda Darr, thoda bharosa woh bikul us duniya se alag rahi thi jahan roz rehtatha.
"Naam?" Usne seedha poocha.
"Aaroki."
Khoobsurat naam hai."
Car mein halki si khamoshi chha gayi. sirf baarish ki awaaz.
Aarohi ko ajeeb si ehsaas ho raha tha. Jaise yeh aadmi usey dekh nahi Raha... Samajh raha ho.
Age Kya hoga comment Karo