Maira Naam Anamika hai aur mai middle class ki ek Ladki hu, Jo ki padhne likhne mein ausat hai. Maire liye University me admission Milna kisi sapne se kam na tha. Pehli baar jab Lucknow University gayi to vha ki chakachaundh dekh ke man me alag level ka sukoon mila. University maire sapne ka college jise kewal mai pictures me dekhti thi, jha par students apne man ke kapde pehan ke ja sakte hai, Apne saath mobile le ja sakte hai, apne man ke lecture attend kar sakte hai and free time me canteen bhi ja sakte hai. Full masti ka mauhaul aur ghar se door to koi daatne wala bhi nhi.... Man nhi hua to class bhi bunk kar lo. Aur hum log to Taggore library jise sab T L kehte the Vha bhi ghoomne jaate the aur common room ka kya kehna.. Ji haan mai baat kar rhi hu apni Pyaari Lucknow University ke baare me.
