"Class crush" yah word sunte hi hamare man mein hamari class ke ek aise student Ka khyal Aata Hai Jo hamare Dil Mein basa Hua Hai. Basically class crush ka MATLAB hota Hai hamari class mein padhne wala ek aisa student jisper ham apna Dil Har chuke hain . Jo hamen kuchh jyada hi pasand hai . pata nahin kyon per , ham jab bhi class mein hote hain hamari Najar bus ussi student per rahti hai . Vah ladka ya ladki jise ham pasand Karte Hain , Puri class mein use bus dekhte rahana, kuchh bhi aisa karna jisse hamen uska attention mil jaaye , ya sidhi bhasha mein kaha jaaye to uski najron Mein aana , yahi hamara main Goal hota hai . Aaj main writer Ankit aapko apni class crush ki story batane wala hun . vah aaj meri Hui to Nahin per Maine use pane ke liye bahut Try kiya tha . To chaliye bina Kisi bakchodi ke Shuru Karte Hain " Meri class crush ki story".
Yah tab Ki baat Hai jab Mera class 10th naya naya start hua tha . tab main ek average student hi Hua Karta Tha . Na koi special hobby , Na padhaai Mein kuchh jyada achcha ! Per main apne looks per koi complement Nahin dunga kyunki, mere friends ya jitne bhi log meri life mein the vah sab to mujhe handsome aur cute hi bolate the per , pata nahin kyon mujhe aisa Nahin lagta tha.well tab Mere class 10th ki shuruaat hui thi aur papa ji ke dabav Ke Karan mujhe Apne gaon Ke ek coaching "jiska Naam aap jaankar kya hi karoge " mujhe admission Lena pada tha. per main iske liye excited bhi Tha kyunki, isse pahle main Kabhi itne bade coaching main Nahin gaya tha padhne ke liye Nahi Gaya Tha . actually ham to school bhi bahut kam hi Jaya Karte The. jiska ek hi Karan hai ki ham certified back benchers the ! but..but..but.. coaching jaane se ek Raat pahle maine apne dost ke pass phone kara aur use Kaha ki " bhai Kal hamen coaching chhodane chalo " per vah Nahin man raha tha. lekin Maine jis bhi tarah use mana hi liya, aur uske Na manne ka ek hi Karan tha Ki Meri coaching ka time subah 5:00 baje tha. aur itni jaldi to vah apni shaadi Mein bhi Na uthata 😅😅 ! per Kisi bhi tarah mana kar agale din time per vah mujhe pickup karne ke liye pahunch gaya. Vah coaching Nahin Jata tha kyunki usne online class khareed Rakhi Thi. To main aur Mera friend agale din subah ek hi cycle per subah 5:00 baje coaching ke liye nikal Gaye. sab Sahi chal raha hota Hai per, jate time raste Mein ek Kali Billi ne hamara Rasta Kat Diya ☠️☠️ mujhe tab laga ki jarur kuchh Na kuchh bura hoga per tab humne utna dhyan nahin diya aur iske kuchh dur aage jaate Hi hamari cycle ka tyre puncture ho Gaya. Ha yah Shayad usi Ki vajah se hua tha. aur itni subah koi puncture ki dukaan bhi nahin khuli thi isliye yahan se aage coaching tak mujhe chal kar Jana pada. aur mere friend ko bhi chalkar wapas Ghar Jana pada ! khair jaise-taise main coaching Mein pahuncha. meri class mein aadhe bache aaye The - aur aadhe abhi Nahin aaye The, kyunki main time per Jo tha. well kuchh der ke bad sir ji ne entry mari ! dikhne mein to vah jyada age Ke lag Nahin rahe the. unki age lagbhag 27 ya 28 sal ki hogi ! vah hamare maths ke teacher hai aur coaching ke director bhi. Sir Ki aate hi mere upar Najar Padi aur unhen mujhe khada kar Diya , aur Mujhse poochha, " hey what's your name " Maine bataya ki sir mera name "Ankit" hai aur FIR unhone papa ke bare mein kuchh poochha jiska Maine jawab Diya . Jiske baad unhone mujhe Baitha Diya usss time tak Maine class per utna dhyan nahin diya tha , aur na hi class ke student per ! jiske bad attendance Shuru Hui, pahle girls aur FIR boys ki. jab attendance lag rahi thi tab ek ladki Ki awaaz per main kafi chock ya Yun kahe Ki mujhe bahut alag Sa feel hua ! but main uss samay uska chehra Nahin dekh Paya tha. actually mujhe uski awaaz kafi acchi lagi thi !uski awaaz bilkul koyal Ki tarah meethi thi ! Sach Kahu to kuchh jyada hi acchi hai ! jiski main , jitni tarif Karun utani kam hai. maine bohot try kiya per mujhe yah Nahin pata Chala Ki ye awaaz aakhir kiski thi. waise vah awaaz mere Dil Mein bas si Gai thi aur Maine tabhi soch Liya Tha ki kal jab attendance lagega tab jarur main uska chehra dekhunga ! jiske bad hamari padhaai chalu Hui, off course mujhe kuchh samajh Mein Nahin a raha tha. Kyunki first de tha , aur vah sir chapter ke bich Mein pahunch gaye the. but Maine kaise bhi vah period gujara aur pure time main bus uske bare mein hi soch raha Tha ! 2 ghante bad maths aur science ka period khatm hua . aur tab sir ne Kaha ki " social science Ki class Sham ke 4:00 baje se lagegi , ab aap log ja sakte hain " ! jab ham ja rahe the tab sir mujhe mile aur Maine sar se poochha - " kya sham ko bhi class attendance lagegi ? " tab sir ne Kaha " han jarur lagegi " ! yah sunte hi pata nahin kyon per mujhe man hi man bahut Khushi Hui , ki uss ladki ki awaaz mujhe wapas sunai degi aur shayad is bar main use dhundh bhi Lu, Jiski mujhe talash Hai ! jiske bad main Ghar pahuncha aur bahut der tak sirf uske bare mein hi sochta raha. jiske bad Sham hui aur coaching ka time hua, tab maine apne uss friend ko call kiya. or Kaha ki " bhai chalo mujhe apni gadi se coaching chhod do! " jiske thodi der bad vah gadi lekar Aaya aur mujhe coaching chhoda. Gadi se aane ki vajah se main thodi jaldi pahunch gaya tha ! aur uss samay , sirf ek ladki hi aai hui thi. aur vah ek acchi ladki dikhai pad rahi thi ! chahe uska dressing sense ho, ya look ho, vah bahut acchi thi. main aur vah donon sath mein class mein Gaye aur tab, class mein sabhi benches ek ke upar ek feki jaisi thi ! jiska yah Karan tha ki uss coaching Mein hi sar middle school bhi chalate the. Main chupchap khada tha aur vah bhi. tabhi usne mujhe apni meethi awaaz mein kaha-"suniye Ankit chaliye bench thik kar lete Hai" uski awaaz sunkar main bilkul chauk Gaya ! beshak yah vahi awaaz thi Jo Maine subah attendance ke samay Suni thi. kuchh der ke liye mere man mein ek ajeeb si Khushi Hui ki yah vahi ladki Hai jiske bare me mai subah se soch raha Tha. Uske bad Maine usse ha Kaha aur FIR uske sath benches ko sidha Kiya ! tab tak class ke Baki students bhi aane Lage. Aur kyunki main sabse pahle class mein pahuncha tha. isliye maine first band per hi Baitha ! uss bench per ek baccha " Sachin " Naam Ka Baitha hua tha vah thoda Mota tha. per padhne Mein bahut achcha tha. aur sach kaho to mujhe bhi aise hi ladke Ki talash thi. kyunki main khud padhne Mein bahut week tha to mujhe uski jarurat bhi thi, to maine use halki-fulki baat kari. Naam - wagaira poochha aur dhire - dhire hamare bich dosti Hui. vah ladki mere side me straight benches ki line mein sabse aage wale bench per baithi thi ! aur kyunki uss Line ki bench jiska muh hamare samne ki taraf tha. isiliye vah ladki mujhe acche se dikhai de rahi thi. aur main kafi Khush bhi Tha. pata nahin kyon per mere chehre per ek ajeeb smile thi. aur man mein usi ke bare mein soch raha Tha. uss din mai class ke pure time bus use hi dekhta raha. Usne bhi kabhi-Kabhi mujhe Dekha aur mera class time aise hi dekhte-dekhte beet Gaya. Jiske bad chhutti Hui aur maine apne friend ko call kiya aur usne aakar mujhe apni bike se pickup Kiya ! raste Mein jaate samay maine apne friend ko uske bare mein bataya aur vah mujhe kahta Hai Ki, "bhai tune to padhne ke liye coaching join kara tha per tune to bhabhi dhundh Di " yah baat sunkar Maine usse mana to Kiya per andar hi andar mujhe khud bhi bahut Khushi ho rahi thi.pata nahin kyon per main uss din bahut happy tha. Shayad yah usi Ki vajah se tha. jiske bad mere friend ne Mujhse Kaha ki "Bhai Jara hamen bhi dikhao ki vah kaun hai jisse tum pasand karne lage ho!" tab maine kaha ki jarur main tumhen Kal dikhaunga. Actually sach kahe to mujhe khud hi Nahin pata Tha ki main use pasand karta hun ! per uske bare me mein soch jarur raha tha. uske bare mein soch kar mujhe ek alag si Khushi milati thi. ek alag Sa sukun milta tha. jab bhi uske bare mein sochta tab uska chehra man mein a Jata,, Hai re vo cute smile, vah awaaz, vah cuteness. Main bus usi ke bare mein sochta ja raha tha pata nahin kyon per, Shayad mujhe vah sach me pasand a Gai thi aur main apna Dil Har chuka tha use cute Si ladki per...
So Guys Abhi ke liye baas itna hi. aab aage Ki baat part 2 me karenge, tab tak ke liye Khush rahiye, haste rahiye, muskurate rahiye, aur meri story ka Anand lijiye ! jaldi aapke liye kal part- 2 a jaega use bhi jarur padhiyega. main yakin se kahta hun Ki aapko yah story bahut acchi lagegi. aur aap apne aap ko bhi isase relate kar paoge. To tab tak ke liye ab aap jaaiye aur apni crush ko Yad kijiye. aur han agar aap insta chalate ho to @ 18_ankitsingh_yah meri id hai mujhe follow jarur karna aisi aur interesting stories ke liye tab tak ke liye byyyyyy !!!!
Writer -your ankit