Chapter 10: Wapas Waqt Mein – Cycle Pe, Pyar Ke Saath 🚴♂️❤️
Subah ka waqt tha… retro mohallay mein halke baadal, cycle ki ghanti ki awaaz aur ek mast si hawa chal rahi thi.
Ubaidkk apni hero cycle pe ready tha, jo school ke zamane se leke ab tak sirf sapno mein hi saje thi.
Kim Jo-woon uske piche baithi thi, uski choti hawa mein ud rahi thi, aur haath mein ek tiffin dabba.
"Ready?" Kim ne pucha.
"Cycle ready hai… par dil phisal gaya hai!" Ubaidkk ne style maara.
Kim ne thoda blush kiya, "Zyada filmy mat ban… kahin cycle ke saath dil bhi gir gaya toh?"
Ubaidkk ne aankh maar ke bola, "Girne do… agar tu pakadne wali ho toh."
Aur cycle chal padi… gully ke har mod pe ek yaad, ek muskurahat… ek chhed chhaad.
Ek jagah cycle ruki — Kim ne kaha, "Yahan teri aur meri pehli mulaqat hui thi yaad hai?"
Ubaidkk ne socha… "Yahan toh meri cycle ka tyre puncher hua tha… aur tu hasi thi."
Kim muskurayi, "Aur tabhi tune kaha tha — 'Tere husn ke saamne toh mere tyres bhi flat ho gaye!'"
Dono zor se hans pade.
Tabhi mohallay ke log kehne lage,
"Aray yeh dono kaun hain? Kaafi filmi lag rahe hain!"
Jinroh ek paan ki dukan pe khada tha, chashma pehne hue, aur bola:
"Yeh dono bas time ke do traveller hain… lekin pyaar inka compass hai."
Cycle chalti gayi… yaadein bunti gayi…
Aur diary ke ek naye panne pe likha gaya:
"Jab pyaar cycle ki sawari ho, toh raaste kabhi boring nahi hote… chahe waqt ka signal red hi kyun na ho." ❤️
---